حوار جميـــل بين بنتين

حوار جميـــل بين بنتين

...بنوتة جميلة: ممكن أسألك سؤال .. هو المكياج حرام ؟


أخت فاضلة: لو بتسألي على أدوات المكياج نفسها .. لا حبيبتي مش حرام


البنوتة: اومال طول النهار تقولولنا حرام وايه اللي بتحطوه ده وهانتعاقب وهاندخل النار .. انتوا ليه معقدين الدنيا كده ؟؟


أختنا الفاضلة: ) انتي بتحطي المكياج ليه وفين ولمين ؟


البنوتة: بحطه وأنا خارجة في أي حته .. عشان شكلي بيبقى أحلى .. وعشان الناس يشوفوني حلوة


أختنا
الكريمة: جميل .. ولو اتجوزتي شخص ما وقالك إنه بيغير عليكي من عيون الشباب ومش عايزك تحطي مكياج غير في البيت ليه هو بس وبرة البيت تلبسي محترم وبدون تكليف وبدون مكياج .. هاتعملي ايه ؟؟


البنوتة: لو بحبه هاعمل اللي يرضيه


الاخت: وهاتعملي اللي يرضيه ليه ؟


البنوتة: هاعمله عشان مايزعلش مني وعشان يزيد حبه ليا


الاخت: وهاتعملي اللي يرضيه حتى لو مش عاجبك وجيتي على نفسك فيه ؟؟


البنوتة: لو بحبه .. طبعا هاجي على نفسي عشانه


الأخت: طيب انتي بتحبي ربنا ؟؟


البنوتة: طبعا بحبه !!! سؤال غريب جدا !!ا


أختنا
الكريمة: ولو بتحبي ربنا زي ما بتقولي - وعرفتي إن ربنا أمرك بحفظ نفسك من
عيون الشباب وصيانة جسمك والتزين لحلالك وزوجك فقط - مش بتعملي ليه اللي
ربك حبيبك بيقولك عليه ؟؟


ربنا سبحانه وتعالى قال :
( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ) / النور:31


ليه مستنية الأمر يجي من (مخلوق) وصعب عليكي تنفيذ الأمر من (الخالق) ؟؟


قولتيلي إن انتي بتحطي المكياج في كل مكان عشان تبقي جميلة في عيون الناس والشباب يعجب بيكي .. فكرتي وانتي بتحطيه ربك بيبصلك ازاي ؟؟؟


لو انتي مش هامك نظرة ربك ليكي .. حطي مكياج لكل الناس عشان يشوفوكي جميلة ويبصولك نظرة رضا بجمالك .. وربنا بيبصلك بنظرة غضب لمخالفتك لأوامره لو خايفة من نظرة غضب من ربك .. فالتزمي بالستر والعفة والحياء واعلمي أن ربك سيعوضك خيرا على طاعتك له ويبارك في جمالك وتظهري أجمل بدون الجمال المصطنع


أختي وحبيبتي وغاليتي
==============


لو انتي بتحطي مكياج عشان تعجبي واحد من الشباب ويمكن يتقدملك .. فاعلمي علما يقينا أن ذلك قدر بيد الله .. لا المكياج ولا غيره هو سبب الزواج .. بل وقد يضرك هذا الجمال الزائد ويطمع فيكي الناس ويؤذيكي ولو كنتي
بتحطيه ليزداد جمالك في عيون الناس .. فاعلمي حبيبتي أن صنع الخالق لا
بديل له ولا مثيل .. سبحانه خلق الإنسان في أجمل صورة وتقويم ولو
بتحطيه تلبية لرغبات أناس معينون .. فاعلمي أن هؤلاء الناس لا يهتمون بك
كإنسانة وأنت في عيونهم مجرد صورة وواجه للفت الانتباه لهم وغير جديرين
بثقتك فيهم ولو بتحطيه خارج منزلك -لو متزوجة- بناء على طلب من زوجك .. فاعلمي انه رجل ديوث .. والديوث لا يدخل الجنة ولا ينظر الله له يوم القيامة


سؤال أخير
=======


: حبيبتي وغاليتي في الله أخبريني بالله عليكِ


أنظرة (إعجاب) من رجل .. يقابلها نظرة (غضب) من جبّار السماوات والأرض ؟؟
أم
نظرة (رضا) من رب العالمين .. يقابلها كلمات (سخرية واستهزاء) من بعض الضالين ؟؟؟


لك الاختيـــــــــــــــــــار
ولا تنسي كل ما تفعلينه من قول وفعل يُسجل من الكرام الكاتبين


ادعي دائما : اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه

جزاكى الله خيرا يا ملاك الموضوع مهم جدا وتسلمى

ادعي دائما : اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه
آمين يارب العالمين
بارك الله فيكى

كالعاده موضوووع جميل منك يا ملاك
ربنا يبارك فيكى ويبعدنا عن المعاصى ويحمينا من الشرور
شكرا ليكى

رائع جدا
ربنا يهدي جميع المسلمين

آميييييييييين يارب العالمين

وجزاكم الله عنا كل خير

الحمد لله ان هناك فى يومنا هذا مثل صاحبة هذا الموضوع فالغريب ان الذى يتحدث فى موضوع المكياج فتاة ولكنك حقا تستحقين الاسم (الملاك البرىء)_(درع الابداع) وجزاك الله كل الخير وثبتك على طريق الحق ومشكورة .........................

@بنت العمار:ربنا يخليكي ياحبي يارب ويهدينا جميعا ان شاء الله

@الاستاذ وليد:اسعدني وشرفني مرور حضرتك وبارك الله ف حضرتك

@الشيخ عبدالعظيم :بعتلك السلام وصل لحضرتك ولا لاءه وبارك الله في حضرتك

الاخت الفاضلة (eng.nor) صاحبة الموضوع _ شكر الله لكى هذا النقل الطيب من منتدى كلية الطب جامعة المنوفية نقلا عن الدكتور عمرو انور وغيره من المنتديات وبعد فان الدال على الخير كفاعله وانتى دللتى على الخير واشرتى الى حرمت تغيير خلق الله بمثل هذه المساحيق المزيفة لاثيما اذا كان ذلك لغير الزوج هذا وانى ابدى الاسف لاننى قد تأخرت فى الرد على هذا الموضوع كثيرا ومرجع هذا التاخير ايها الاخت الحبيبة الى امريين اولا لاننى ما قرأت هذا الموضوع
الا مؤخرا ثانيا لاننى اعتدت ان اتأخر فى ردودى على مثل هذه المواضيع المهمة والهادفة
حتى اجمع جميع الاراء والردود عليها كما هو منهجى الذى اتبعته فى الرد على موضوع "(من هم السلفية ) وشكرا

ع العموم اشكر حضرتك جدا وفعلا الموضوع زاد بهجه وسرور من رودود حضرتك

بس هو ليه حضرتك تقول eng nour انا هنا با اسم الملاك والكل يعرف اني هيه انا يعني مش حاجه جديده حضرتك قولتلها وشكرا لحضرتك وجزاك الله عنا كل خير

وفعلا الموضوع انا نقلاه من جروب انا ادمن فيه ع الفيس بوك اسمه حجابي فاانا فعلا بيعجبني المواضيع اللي فيه جدا

ومش عارفه بجد اشكر حضرتك ازاي وهغير اسمي علشان خاطر حضرتك

جزاك الله عنا كل خير وبارك الله ف حضرتك

شكرا

شكرا

اللهم بارك فيكى يارب

رائع ان الموضوع ده يكون من بنت

موضوع ماسس البنات كتير الفتره دى

بارك الله فيكى

@الشيخ عبدالعظيم :بعتلك السلام وصل لحضرتك ولا لاءه وبارك الله في حضرتك

اقتباس :

السلام لم ولن يصل ومع من ارسلتى كى احسابه على خيانه الامانة

هههههههههههههههههههه

ياه يا شيخنا ع العموم بقا خلااص اديهم اعذارهم

نسمه واخت حضرتك اللي هيه مامه نسسسسسسمه ههههههههههههههههههه

الشيخ رضا شريف *****ى كتب:

الاخت الفاضلة( الملاك البرىء )اجدد لكى التحية والاعزاز واقول انى اقسم بالله العظيم ما اقصد شيئا مما ورد بخاطرك كما انى اقسم بالله العظيم ما قصدت ان اعلم احد ان الملاك البرىء
هى eng nor وان كان ذلك ليس بعيب وانما ما فعلت عن حسن نيته ولا اقصد اى اسائه وكل القضية لما علمت ان eng nor هى الملاك البرىء جال بخاطرى ان اكتب ما قرأتى ولم اكن اعلم ان ذلك يحزنك ولو كنت اعلم ما فعلت ذلك واجددالاسف والاعتذار مرة اخرى بل اجدد الاسف والاعتذار مرارا وتكرارا وارجوا ان تتقبلى حتى لا اشعر بذنب لاننى لم اكن اعتاد ان يتأذى احد من كلامى هذا وكون الموضوع منقول فذلك ليس بعيب فيه بل اسئل الله عز وجل
ان يمنحك الاجرين اجر البحث والاجتهاد واجر النقل لمثل هذه المواضيع الهادفة واستحلفكى بالله الا تقومى بتغيير اسمك كما ذكرتى فهذا الاسم طيب ومناسب لمثل من يقوم باعمال الخير
التى تقومين بها وانا منتظر الرد حتى اعلم انكى تقبلتى الاسف والاعتزار ام لا
وتقبلى خالص تحياتى

اولا انا عمري ما هزعل من حضرتك بجد وبجد انا مش زعلانه هو بس ساعتها ضيقني فكرت حاجه تانيه من مغزي حضرتك وثانيا مفيش اسف حضرتك اخ اكبر مني وانا والله مش زعلانه من حضرتك ابدا

وجزاك الله عنا كل خير ولك مني كل فائق الاحترام والتقدير

شكرا

الشيخ رضا شريف *****ى كتب:

الاخت الفاضلة كم ارحتينى بهذا الكلام الطيب فلقد استرحت كثيرا وتخلصت من معاقبة الضمير ومحاسبة النفس
لانى قد شعرت اننى كنت مسيئا لادب الحوار عندما احسست اننى قد احزنتك ولكن يعلم الله عز وجل اننى
لم اكن اقصد اى اسائه لاننى لم اتعود على ذلك وانا اقدم اليكى خالص الشكر لانك قمتى بالرد على الاعتذار ولانك قبلتيه فانتى قد عملتى بقول الرسول _(ص)_ التمس لاخيك سبعين عزرا .. فوالله يعلم الله عز وجل كم اصابنى من الهم والحزن عندما شعرت اننى قد اذيت احدا بالقول ولكن الحمد لله على ان قبلتى هذا الاعتذار حتى القى الله
وليس لاحد عندى مظلمة كم انى اجدد لكى الشكر على انكى لم تقومى بتغيير اسمك وذلك فيه معنى تقبل الاسف
ايضا فقد قرأت لكى باسم الملاك البرىء تحت عنوان (الحب ماهو ) وكم اعجبنى كثيرا هذا الموضوع
وانشاء الله سأقوم بالتعليق عليه لو انكى سمحتى لى بذلك وتقبلى خالص تحياتى

السلام عليكم ورحمه الله وبركاته

بعد التحيه والله مكنشي لازم كل الكلام ده والاسف علشان انا والله مش زعلت وحضرتك بجد حرجتني بذوقك جدا ومش عارفه ارد هقول ايه

وبجد حضرتك رد ع اي موضوع ولو مش عجبك ياريت تقولها ع طول علشان كل واحد فينا يحسن من نفسه وشايف ايه اللي الغلط فيه مفيش حد كامل

وبجد بعد الكلام ده من زوق حضرتك واصلك العالي وجزاك الله عنا كل خير وباركلنا ف حضرتك

بالطبع لابد ان تكون هذه اخلاق الشيخ والامام والعلامة الشيخ (رضا شريف عبد المقصود)
صاحب موضوع (ادب الحوار ) الموضوع الرائع الذى لقى الكثير من الاعجاب وانا احد العجبين بهذا الموضوع
وحقا دائما وابدا نتعلم منك يا شيخنا الكريم وهذا الطبع ليس بجديد عليك
ولقد تعلمنا اليوم منك درس انه اذا احس المرء انه قد يكون اساء الى احد حتى لو كان عن غير قصد منه
فعليه ان يسارع الى الاسف والاعتذار وليس فى ذلك عيب بل بالعكس وايضا
اريد ان اشكر الاخت الفاضلة (الملاك البرىء) على انها علمتنا ماهو العفو عند المقدرة وقبول الاسف والتماس العذر ودائما لنا شرف الرد على مواضيع (الملاك البرىء)
وشكرااااااااااااااااااااا

ميرسى ليكى كتيييييييييييير يا كلاك الموضوع حلو اوى تسلمى

سورى بس بشكرك جدا يا ملاك واسفه على غلطى فى الاسم