حوار حصري ساخر مع الرئيس السابق !!!

حوار حصري مع الرئيس السابق
حوار افتراضي ساخر مع الرئيس السابق حسني مبارك جاء فيه: بمجرد وصولنا إلى مقر حبس الرئيس السابق في شرم الشيخ – عشنا وشفنا مسجون يتسجن في منتجع – حسينا إنه واخد زنزانة إيجار جديد بتطل على البحر خمس نجوم، ووجدنا السيدة "سوزان ثابت" وهي للعلم نفسها سوزان مبارك بعد أن تم رفع اسم "مبارك" من عليها بقرار من المحكمة، حيث تقرر رفع اسمه من كل شيء.. بدءاً من الكباري ومشاريع الصرف الصحي والحمامات العمومية إلى المترو وغيرها من المشاريع القومية.

وجاء الحوار التخيلي مع مبارك كالتالي:

* يا ترى إيه سبب الغباء السياسي الذي تعاملت بيه مع الثورة؟
- ربنا يجازي اللي كان السبب.. منعنا المخدرات من البلد، فكانت النتيجة أن الشعب فاق من الغيبوبة.. و"حبيب" الله لا يبارك فيه عملي البحر طحينة، وفهمني إنهم شوية عيال.

* سمعنا إن ابنك "جمال" كان ناوي يفتح حديقة الحيوان ويطلع الأسود والنمور على المتظاهرين؟
- جيمي فعلاً كان ناوي يعمل كده، بس لما اتصلنا بحديقة الحيوان أخبرونا أنهم بعتوا النمور والأسود هدية لأوباما.. انته عارف بقه إنه إفريقي وبيحب الحاجات دي، وعلشان لما أروح أمريكا يرضى يتصور معايا صور تعبيرية.

* إيه دور صفوت الشريف في البلد في فترة حكمك؟
- "موافي" دا ولد ممتاز، بصراحة مسبش حد من الرجالة اللي اشتغلوا معايا إلا وصور ليه فيلم!

* إيه شعورك بعد شعبك ما خلعك؟
- أيها الإخوة والأخوات.. إن حسني مبارك هو ابنكم.. لقد حاربت من أجلكم، وإني..
"يقاطعه المحرر: انته خنقتنا بحاربت من أجلكم"!

* 30 سنة بتحكم فيها مصر.. مش شايف أنها مدة كبيرة أوي؟
- دي مدة قليلة أوي.. دول يا دوب 6 مدد حكم بس، وأنا لسه في عز شبابي، وكنت عاوز أكمل المشوار معاكم ومع ولادكم وأحفادكم.

* إيه رأيك في القذافي واللي بيعمله في شعبه؟
- هو القذافي عمل إيه يعني؟ إيه المشكلة لما يضرب شعبه بكام طيارة.. وبعدين أنا نصحته وقلت له يا "قذفذف" سيبك من ليبيا دول ميستحقوش واحد زيك.. انته ملك ملوك إفريقيا ومكانك الحقيقي في الغابة"!

حوار ساخر من الرئيس المخلوع من جريدة البسطجيه

ههههههههههههه بجد موضوع جميل جدا