قواعد الغلاسة الأصلية..حصريا على امياى بلدنا..

صراحة مقدرتش مضيفش الموضوع ده للرزالة

علشان تعرفوا تغلسوا على خلق الله بضمير ، و اليكم قواعد الغلاسة الأصلية·

قول نكته طويلة و لما تيجى عند آخر سطر - وهو السطر المهم اللى فى الأفيه
- أعمل نفسك نسيته ، لو حد غلس عليك قوله " و الله كانت نكته جامده بس
الظاهر أنى نسيتها " .

· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .

· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

· لما حد يشكي لك من حاجة قوله أنا عندى مشاكل أكتر منك !! .

· و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!! .

· كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ،
قوله " أتجوزت ؟! " هيقول : أه الشهر اللى فات ، قوله " الشهر اللى فات ؟!
" و هكذا .·

و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .

· بعد عشر دقايق كرر نفس الحركه تانى .

· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .

· و أنت بتتكلم مع حد ، افضل مركز فى وشه جامد ، لغايه ما هوا يقرف منك فى الآخر .
·

طول ما انت قاعد مع زمايلك فى الشغل ، صفر موسيقى نشيد بلادى ، و صدقنى
هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى
!!! .

· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .

أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله

· و أنت في المول ، ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حد ذاته يعتبر هبل مش رزاله ، بس ما علينا الناس
هاتقرف منك برضه و هو المطلوب .

· في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا !!! .

· أعزم ناس في حفلات ناس تانيه " عيد ميلاد أو فرح او خطوبه ... " .

في حفلة عيد ميلادك أطلب من ال D.j أنو يشغل أغنية يعيدها 18 مره ورا بعض
... " أنا بحب الأغنية دى اوى يا جماعة " ، يا رزالتك يا اخي ربنا يهدك
بجد .

· لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! .·

ألعب فى ألوان التليفزيون لحد ماتبقى كل الناس لونها بنفسجي ، و أعزم
أصحابك يتفرجوا عالماتش عندك ... و لو حد اعترض ، قوله " أنا شايف أن دا
لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم
الحج ايه الرزاله دى .·

و أنت ماشى في حته كل ماتقابلك حاجة طبل عليها !!! .·

ألبس جراب زي اللى بيحطوا فيه المسدس ... بس حط فيه الريموت كنترول .·

أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل .·

غير قناة التلفزيون قبل نهاية الفيلم و أو الماتش ب5 دقايق .

· أضحك لواحدة ماتعرفهاش في الشارع و قولها بصوت عالى صباح الخير ...
عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا
كمان ممكن تكون شافت الموضوع ده

اقتباس :: ألعب فى ألوان التليفزيون لحد ماتبقى كل الناس لونها بنفسجي ، و أعزم
أصحابك يتفرجوا عالماتش عندك ... و لو حد اعترض ، قوله " أنا شايف أن دا
لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم
الحج ايه الرزاله دى .

·

ماتش المنتخب مع جنوب أفريقيا فى واحد هيجى يشوفه معى هعمل دى إنشاء الله

اكيد فى الاخر هيبقى انسان غير مرغوب فيه

وانت ناوى ياخد علقة بجد واللى هيسمع كلامك ويعمل به

هيدعى عليك لانك هتكون السبب فى ضربه

تحياتى

اقتباس :: اكيد فى الاخر هيبقى انسان غير مرغوب فيه

وانت ناوى ياخد علقة بجد واللى هيسمع كلامك ويعمل به

هيدعى عليك لانك هتكون السبب فى ضربه

تحياتى

ليه بس كده دا انا غلبااااااااااااان...

انا بس عاوز اوعى اى واحد واعرفه ايه هى طرق الرخامة

علشان لو حد رخم عليه..يعرف ازاى يتعامل معااااااه

اقتباس :: · و أنت في المول ، ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حد ذاته يعتبر هبل مش رزاله ، بس ما علينا الناس
هاتقرف منك برضه و هو المطلوب .

ههههههههههههههههههههههههههههههههههههههههههه

بجد يعنى مفيش رخامة بعد كده

اقتباس :: · و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

مفيش أرخم من كده.

شكرا يا أحمد على الموضوع الرخم ده.

هو فى بعد كد رزاله
وفى ناس بتعمل بدون ما تعرف .

و أنت ماشى في حته كل ماتقابلك حاجة طبل عليها !!! .·

هههههههههههههه

الغلاسة لها ناسها حتى من غير ما تقرأ موضوعك
وبعد قراءة الموضوع الغلاسة هتزيد أكيد

غلاسه

اقتباس :: مفيش أرخم من كده.

شكرا يا أحمد على الموضوع الرخم ده.

ههههههههههه...ماشى يا عم شكرا على الرخامة دى

اقتباس :: هو فى بعد كد رزاله
وفى ناس بتعمل بدون ما تعرف .

فيه ارزل من كده بكتير..انا لى واحد صاحبى باااااايخ وثقيل اوى

اقتباس :: و أنت ماشى في حته كل ماتقابلك حاجة طبل عليها !!! .·

طيب جربها دى يا ابراهيم كده....وابقى قولى عملم فيك ايه

اقتباس :: الغلاسة لها ناسها حتى من غير ما تقرأ موضوعك
وبعد قراءة الموضوع الغلاسة هتزيد أكيد

اه والله يا استاذ احمد........فيه ناس كده خنيقة

اقتباس :: غلاسه

هههههه مقبولة منك يا استاذ سراج......[b]

حد هنا عايز يغلس ولا ايه ياحمد ياعبدربه اللى عايز يغلس انا موجود

اقتباس :: حد هنا عايز يغلس ولا ايه ياحمد ياعبدربه اللى عايز يغلس انا موجود

يا باشا ما فيش حد يقدر يغلس وانت موجود......محدش هيسد.. ولا انت اتغيرت

لا مانت عارف احنا عمرنا ما نتغير دا موجود ودا موجود برده ههههههههههههههههههه

اقتباس :: لا مانت عارف احنا عمرنا ما نتغير دا موجود ودا موجود برده ههههههههههههههههههه

هههههههههههههههههههههههههههههههههههههههههه

احنا بتوع كله......

بجد موضوع حلو اوى يلا خلينى اغلس على الختى شويه مع انها بتستعمل معظم الاساليب دى معايا بس ادينى هحاول ارد لها شويه من الى بتعمله فيا

اقتباس :: بجد موضوع حلو اوى يلا خلينى اغلس على الختى شويه مع انها بتستعمل معظم
الاساليب دى معايا بس ادينى هحاول ارد لها شويه من الى بتعمله فيا

ههههههههههههه دا انتى أختك كده هتدعى عليا

بس مش مشكلة احنا فى الخدمة برده..بس يارب تعرفى تغلسى بقى

والموضوع يجى بفايدة

» حصريا على منتدى امياى بلدنا وبس نتيجة الثانوية العامة
» حصريا على منتدى امياى وللبنات فقط
» اسرة منتدى امياى بلدنا تبارك وتهنى
» صور بعض الدناجل المتعارف عليها لكي تتعرفون بها لعيون امياى بلدنا
» انفراد على موقع امياى بلدنا نتيجة الدبلومات الفنية مباشر