ملكمش دعوة انا حرة

الكلمة دى بتتردد من ولاد كتير فى الوقت الحاضر ولما يحصل اى موقف يقولوا انا اولد اعمل اللى انا عاوزة
وهو مفكر انه علشان ولد يعمل اللى هو عاوزة انه متاح ليه كل حاجة ودى جاجة تنرفز وتضايق
انا من راى ان مفيش حاجة اسمها ولد وبنت ومفيش اخلاق للولد واخلاق للبنت
وده مش عارفة سوء تربية من الاسرة او فهموهم الحريه شكل خاطىء
كلنا سواسية مفيش حدود للبنت والولد متاح ليه كل حاجة حتى فى الذنوب والطاعات احنا متساويين
وربنا مش هيحاسب الولد حساب والبنت حساب تانى
وكمان انا مش بتحامل على الولد بس دلوقتى بقى فى ظاهرة غريبة وغير مطمأنة ما بين البنات وبعضهم
كلمة ملكمش دعوة انا حرة البنت بقيت تتكلم بطريقة مبتزلة وكلامها بقى خارج عن حدود الادب
ولما تتواجه بالحقيقة من اصحابها او مامتها تقول انا حرة اعمل اللى انا عاوزاه اوطالما نا واثقة فى نفسى خلاص
الكلام ده مينفعش من اى بنت بقينا نسمع صوت ضحكات البنات عالية فى الشارع وكلامهم مع بعض بطريقة غير لائقة بالادب
وده لانها فاهمة الحرية بشكل خاطىء وانعدام القيم والاخلاق بين الناس ومفيش حد بيعترف بالحدود اللى محدوده ليه
اللى ربنا حددها للناس جميعا مش لولد ولا لبنت
بسم الله الرحمن الرحيم
(تلك حدود الله ومن يتعدى حدود الله فقد ظلم نفسه )
ليه نظلم نفسنا بقلة فهمنا لازم يكون فيه اسلوب للتوعيه من خلال البرامج بدل الافلام اللى بتعلم الانحدار
وتوعيه من الاهل من صغر البنت والولد وتعليمهم ان البنت زى الولد واحترام النفس وده مش هيحصل الا اذا وقف الاب والام البنت والولد يعلمه اصول دينهم والحكمة والادب
دلوقتى ليا سؤال
ياترى ده لانهم اخدوا مساحة فى الحرية مش مسموحة ليهم ؟
ولا لانهم فاهمين الحريه غلط؟
ولا العيب من الام والاب ولا المجتمع وتغيراته؟

جعل الإسلام "الحرية"
حقاً من الحقوق الطبيعية للإنسان، فلا قيمة لحياة الإنسان بدون الحرية،
وحين يفقد المرء حريته، يموت داخلياً، وإن كان في الظاهر يعيش ويأكل ويشرب،
ويعمل ويسعى في الأرض. ولقد بلغ من تعظيم الإسلام لشأن "الحرية" أن جعل
السبيل إلى إدراك وجود الله تعالى هو العقل الحر، الذي لا ينتظر الإيمان
بوجوده بتأثير قوى خارجية، كالخوارق والمعجزات ونحوها قال تعالى Sad

(لا إكراه
في الدين قد تبين الرشد من الغي )) فنفي الإكراه في الدين، الذي هو أعز
شيء يملكه الإنسان، للدلالة على نفيه فيما سواه وأن الإنسان مستقل فيما
يملكه ويقدر عليه لا يفرض عليه أحد سيطرته، بل يأتي هذه الأمور، راضياً غير
مجبر، مختاراً غير مكره.

1/ مفهوم
الحرية: يقصد بالحرية قدرة
الإنسان على فعل الشيء أوتركه بإرادته الذاتية وهي ملكة خاصة يتمتع بها كل
إنسان عاقل ويصدر بها أفعاله ،بعيداً عن سيطرة الآخرين لأنه ليس مملوكاً
لأحد لا في نفسه ولا في بلده ولا في قومه ولا في أمته.

هل "الحرية" تعني الإطلاق من كل قيد ؟
لا يعني
بطبيعة الحال إقرار الإسلام للحرية أنه أطلقها من كل قيد وضابط، لأن الحرية
بهذا الشكل أقرب ما تكون إلى الفوضى، التي يثيرها الهوى والشهوة ، ومن
المعلوم أن الهوى يدمر الإنسان أكثر مما يبنيه ، ولذلك منع من اتباعه،
والإسلام ينظر إلى الإنسان على أنه مدني بطبعه، يعيش بين كثير من بني جنسه،
فلم يقر لأحد بحرية دون آخر، ولكنه أعطى كل واحد منهم حريته كيفما كان،
سواء كان فرداً أو جماعة، ولذلك وضع قيوداً ضرورية، تضمن حرية الجميع ،
وتتمثل الضوابط التي وضعها الإسلام في الآتي :
أ- ألا تؤدي حرية الفرد
أو الجماعة إلى تهديد سلامة النظام العام وتقويض أركانه.
ب- ألا تفوت
حقوقاً أعظم منها،وذلك بالنظر إلى قيمتها في ذاتها ورتبتها ونتائجها.
ج -
ألا تؤدي حريته إلى الإضرار بحرية الآخرين.
وبهذه القيود والضوابط ندرك
أن الإسلام لم يقر الحرية لفرد على حساب الجماعة ،كما لم يثبتها للجماعة
على حساب الفرد ،ولكنه وازن بينهما ،فأعطى كلاً منهما حقه.

عندك حق والله ياشيخ عبد العظيم مرور كريم وازال الغيوم من على العيون
جزاك الله كل خير

موضوع جميل جداا والله وللاسف دى حقيقه .....

بس اظن دى بترجع للتربيه والنشأة من الصغر وبيتحمل نتيجتها الاهل فى الكبر .....

انا شايفة يا اخ محمد ان مجرد تعليم الام والاب معنى الحرية لاولادهم ده فى حد ذاته تربية
ومسؤلية عليهم انهم يعرفوهم الصح من الغلط والحرية الزائدة تجعل الولد او البنت ميهموش حاجة
وبرده مينسوش اننا فى دنيا بقيت كلها مساؤى واخطاء فعلا اللوم ع الاباء شكرا على مرورك الكريم جزاك الله كل خير

نسمة كتب:

الكلمة دى بتتردد من ولاد كتير فى الوقت الحاضر ولما يحصل اى موقف يقولوا انا اولد اعمل اللى انا عاوزة
وهو مفكر انه علشان ولد يعمل اللى هو عاوزة انه متاح ليه كل حاجة ودى جاجة تنرفز وتضايق
انا من راى ان مفيش حاجة اسمها ولد وبنت ومفيش اخلاق للولد واخلاق للبنت
وده مش عارفة سوء تربية من الاسرة او فهموهم الحريه شكل خاطىء
كلنا سواسية مفيش حدود للبنت والولد متاح ليه كل حاجة حتى فى الذنوب والطاعات احنا متساويين
وربنا مش هيحاسب الولد حساب والبنت حساب تانى

دلوقتى ليا سؤال
ياترى ده لانهم اخدوا مساحة فى الحرية مش مسموحة ليهم ؟
ولا لانهم فاهمين الحريه غلط؟
ولا العيب من الام والاب ولا المجتمع وتغيراته؟

أنا حر أو أنا حرة
نسمعها من الأولاد والبنات ويمكن البنات أكثر
الواحد في الشارع يخاف يكلم بنت ويقول لها كده عيب ترد عليا وتقول وأنت مالك أنا حرة
وما أكثر ما نراه داخل قريتنا
من لبس غير لائق بالبنت الريفية التي تقلد المدنية تقليد أعمى
أو من مكياج صاخب يلفت النظر
أو مشى بطريقة ملفتة للنظر
أو ضحكات وألفاظ خارجة
فإن كان هذا يخرج من البت
فأين أبيها وأخوتها وإن كان أبيها غير موجود وليس لها أخوات فأين أقاربها
وإن لم يكن لها أقارب فأين جبرانها فنحن في القرية أسرة واحدة مترابطة من ناحية النسب والأهل والجيران

ولكن قلة الايمان والبعد عن الله وراء كل النكبات التي نحن فيها
فالتربية الدينية بالنسبة للأسرة أصبحت مفقودة
وأصبح الحياء بالنسبة للولد والبنت معدم
وإن لم تستحي فافعل ما شئت
وتقبل مروري

كلام جميل يا استاذ احمد وعند حضرتك حق فى كل اللى قولته
شكرا لمرورك وجزاك الله كل خير بارك الله فيك

الموضوع جميل
ومنتشر اليومين دول فعلا
بس لازم التنشأة السليمة واطلاق الحرية فى حدود مع مراعاة ان الاب والاب يكون ليهم رقابة من بعيد عشان يعرفوا ابنائهم قد الحرية والثقة دى ولا لا

اللهم اصلحنا يارب العالمين

Admin عدد المساهمات : 2776 تاريخ التسجيل : 22/06/2010

انت حر مالم تضر
الاخت والابنة نسمة
بعد التحية
أشكرك واشكر والديك
وانا فخور بهذا الفكر العالى
وفعلا هذه مشكلة المشاكل وخصوصا اننا فى مجتمع محافظ
وللاسف عملية الانفتاح على المدينة تكسب البنات والشباب عموما ثقافات التحرر المزعومة
وأصبحنا مثل الريفى الساذج التى ابهرته اضواء المدينة
ولكن الذهب لايصدأ
والبيئة والتنشئة السليمة
والدين والدين والدين
بارك الله لكى وفيكى ووالديكى

انا بج اللى فخورة بتحفيذ حضرتك ليا واهتمامك بالمواضيع المطروحة فى كل المنتدى وبجد
انا اقتدى بحضرتك وبرده حضرتك مثل اعلى لكل افراد المنتدى ربنا يبارك فيك ويرزقك حلالا يكفيك
ويجعلك قدوة لكل من يقتدى متشكرة لكل اللى اهتم بالموضوع وقال رايه

فعلا موضوع رائع يا نسمه واروع الادله بتاعه شيخنا الاستاذ عبدالعظيم

انا فعلا معاكو في التربيه الغير الصحيحه وانها مش اسلاميه التربيه الدينينه هيه اللي صح

يارب اهدي نساء وشباب وبنات المسلمين وارزقنا العفاف

جزاكي الله عنا كل خير يا نسمه

موضوع اكثر من رائع واشكرك عليه ياأخت نسمه وفعلا التربيه والتنشئه السليمه تأتى من البيت
تقبلى تحياااااااتى

الحرية لفظ مطاط كااذمم الخربة نستخدمه كيفما نشاء ووقتما نشاء
ولكن هل الحرية دون قيود
هناك مبدأ اسلامي جميل ألا وهو ( أنت حر مالم تضر ) بمعني أن حريتك تنتهي عند ضرر
الآخرين ولنا في رسول الله صلي الله عليه وسلم في حديث السفينة الأسوة الحسنة فيما يروي عنه فيما معناه
كمثل قوم استهموا علي سفينة فأصاب بعضهم أعلاها وأصاب بعضهم أسفلها
فإذا أراد الذين في اسفلها أن يستقوا مروا علي من في أعلاها فقالوا لو أنّا خرقنا في نصيبنا خرقا ولم نؤذ من فوقنا فلو تركوهم وما أرادوا غرقوا وهلكوا جميعا ولو ضربوا علي أيديهم نجوا ونجوا جميعا
إذن الحرية لابد أن تكون مقيدة وإلا انقلبت الي فوضي
تقبلوا مروري ودمتم

موضوع رائع جدا ويستحق النقاش

دا كله بسبب ضعف الوزاع الدينى والاخلاق لدى الافراد فى المجتمع يعنى لما يكون الاب والام والجيران والاخوات والمجتمع منظبطين ليه مش هيكون الاولاد منظبطين والعكس