دستور جمهوريه مصر العربيه الجديد

دستور جمهورية مصر العربية





مادة 1: جمهورية مصر العربية دولة نظامها ما تفهملوش اشتراكي من بره رأسمالي

من جوه ، ديمقراطي القشرة ديكتاتوري اللب ، غربي الحكم شرقي السمات ،

يقوم علي تحالف القوي علي الشعب.

مادة 2: الاسلام دين الدولة والاخوان المسلمون اعداؤها واللغة العربية لغتها

الرسمية التي يسقط اغلب تلاميذ الدولة في امتحاناتها و شريعة الغاب المصدر الفعلي

للتشريع.

مادة 3: السيادة للرئيس وحده وهو مصدر السلطات والقرار والسياسات والحاجات،

ويمارس هذه السيادة نيابة عن الشعب الذي فوضه بذلك قبل ان يفوض امره لله.

مادة 4: الاساس الاقتصادي للبلاد هو النظام اللي بالك فيه والقائم علي العدل

بين كبار المستثمرين بما يؤدي الي تقريب الفوارق بين دخولهم بما يكفل تحقيق الوحدة

الوطنية بينهم.

مادة 5: يقوم النظام السياسي للجمهورية علي اساس تعدد الاحزاب التي ترفضها

لجنة الاحزاب سنويا بحيث لا يتم السماح لأي حزب سياسي يقدم رؤية مختلفة

تجذب اليها المواطن المصري الذي سئم من النظام الحزبي القائم برمته.



مادة 6 : تكفل الدولة تكافؤ الفرص لجميع المواطنين القياديين في الحزب الوطني.

مادة 7: الاسر الحاكمة والثرية اساس المجتمع. قوامها تداول السلطات والنفوذ

والبيزنس. وتحرص الدولة علي الحفاظ علي الطابع الاصيل لها ولمصالحها.

مادة 8: تكفل الدولة رعاية النشء والشباب وتوفر لهم كل فرص البطالة والعنوسة

والاحباط والعدمية واليأس.

مادة 9: تلتزم الدولة برعاية اخلاق السلبية والطناش والتواكل والتدين المنقوص

والجهل المفنن، والتمكين للتقاليد الاجتماعية الاصيلة القاضية بأن اللي تعرفه احسن

من اللي ما تعرفوش والبلد بلدهم يعملوا ما بدالهم. (وامشي) سنة ولا تعدي قناة،

والمكتوب علي الجبين لازم تشوفه العين.

مادة 10: العمل حق وواجب وشرف لا تكفله الدولة ويكون العاملون الممتازون

علي بقاء النظام الحاكم محل تقدير الدولة. اما المواطنون غير المسنودين فتكفل

الدولة لهم العمل بمقابل غير عادل.


مادة 11: الوظائف مكفولة لذوي الوسايط الذين تكفل الدولة حمايتهم

وعدم فصلهم وعدم محاسبتهم بشكل حقيقي .

مادة12: تكفل الدولة الخدمات الثقافية والاجتماعية والصحية لمن يقدر علي

ثمنها وتعمل بوجه خاص علي توفيرها لقري الساحل الشمالي والجونة وشرم

الشيخ في يسر وانتظام.

مادة 13: ترعي الدولة طوابير التأمين الاجتماعي والصحي ومعاشات العجز عن

العمل والبطالة والشيخوخة للمواطنين جميعا، لكنها لا تكفل لهم ان يستطيعوا

العيش بهذه المعاشات.

مادة14: التعليم حق تكفله الدولة وهو الزامي في المراحل الابتدائية،

اما الدروس الخصوصية فهي الزامية في كافة المراحل. وتعمل اجهزة الامن

علي تأمين المدارس والجامعات ومراكز البحث العلمي بما يحقق الربط بينها وبين

الحزب الوطني ومصالحه وبما يضمن قمع الاصوات المعارضة والحرة والتي

لا تسير وفقا للمقررات.

مادة 15: التعليم في مؤسسات الدولة مجاني في مراحله المختلفة، شريطة

دفع الرسوم وثمن الكتب والتخت وتزيين الفصل وهدايا المدرسين في المناسبات

وهدايا المدرسات في عيد الأم ولا تتدخل الدولة في اي اتفاقيات بين الطلبة

والمدرسين حول الدروس الخصوصية

اسف لو كنت تجاوزت بس هي دي الحقيقه اللي احنا بنعشها

أرجو حذف هذه المساهمة ففيها خروج كبير و استهانةيرفضها الكثير

اشكرك علي تعليقك انا احترم الراي والراي الاخرولعل النقاش يكون اول سبيل الي حل جميع المشاكل باذن الله وهذا يعني اننا في طريقنا الي الظهور بافضل صوره ان شاء الله

اقتباس :

يقوم علي تحالف القوي علي الشعب.

اقتباس :

الأستاذ سراج نحن لانحذف فحرية الرأي مكفولة ولا دي مش موجودة في الدستور
يا أخي الفاضل اترك الناس تتكلم تعبر عن رايها
فالدستور هو ما كفل لكل انسان أن يعبر عن رأيه المشروع طالما لم يخالف العقائد السماوية
الأستاذ حسام
مشكور نحن منبر لجميع الآراء
الرأي والرأي الآخر
تقبلوا مروري

جزاك الله خير ان شاء الله

اريد الاصلاح ما استطعت

hossam elhdad كتب:

دستور جمهورية مصر العربية





مادة 1: جمهورية مصر العربية دولة نظامها ما تفهملوش اشتراكي من بره رأسمالي

من جوه ، ديمقراطي القشرة ديكتاتوري اللب ، غربي الحكم شرقي السمات ،

يقوم علي تحالف القوي علي الشعب.

أستاذ حسام هذا رأيك ولكن حتى نتفق معك أو نختلف
اشرح هذه المادة مع إعطاء أمثلة حتى نتابع معك باقي المواد
وتقبل مروري

ماده 1المفروض ان في الدستور ان مصر دوله اشتراكيه ملك الجميع كل فرد له حقوق وعليه واجبات ده الظاهر بس الحقيقه انها دوله حكامها راسمالين من الدرجه الاولي واصحاب اهم مناصب في التجاره علي المستوي الداخلي والخارجي في مختلف الانشطه تقريبا مسكين 90%من اقتصاديات مصر وبيتحكموا في غلو الاسعار وهذا للربح المادي والمفروض ان احنا دوله ديمقراطيه تتسم بالحريه تقدر تقولي علي حاجه واحد في حياتنا بنعملها بحريه وتكون ليها قيمه ولو لحظنا مع بعض ايام عبدالناصر والايام اللي احنا عايشنها في مجالات الاقتصاد والسياسه هتعرف قصدي ايه وبعدين احنا في الفتره الاخيره وقعنا اتفاقيات كتيره المفروض انها تعلي شائننا وسط العالم بس الكل عارف ان دم المصري في اي بلد واولهم بلده رخيص مالوش ثمن اما بالنسبه للحكم فانه يقوم علي مصلحه الغرب لو تلاحظ هتلاقي ان اللي في مصلحتهم هو اللي بيحصل والامثله علي ذلك كتير منها اهانه المصريين في السودان اثناء مباراه الجزائر ومصر وموضوع حصه مصر من مياه نهر النيل مع انهم اصلا مش محتاجين بس السبب الاساسي والغامض انهم بيملكوك في الاقتصاد وفي السياسه يعني حريتهم وغذائك ودده مش مكفيهم عايزين يتحكموا فيك في المياه يعني اكل وشرب وحريه ايه فاضل ايه يغتصبوا ارضك حتي دي كمان مغتصبنها من الباطل وكفايه انهم بيجوا ارضك سياد علينا زمااااااان كنا اما نحتاج اي نوع من المحاصيل لازم للشعب كنا بنروح نزرعه حتي لو في الصحراء ودلوقتي بنعمل ايه بنتعاقد مع مستثمر هو في اساسه له منصب في الدوله يستوردها بثمن ويبيعها للدوله بضعفها والدوله بتبعها للشعب باضعاف اضعافها والمظلوم اكيد انتم عارفينه؟؟؟؟؟؟؟؟؟؟؟؟؟؟؟

hossam elhdad كتب:

ماده 1
لمفروض ان احنا دوله ديمقراطيه تتسم بالحريه تقدر تقولي علي حاجه واحد في حياتنا بنعملها بحريه وتكون ليها قيمه

ولو لحظنا مع بعض ايام عبدالناصر والايام اللي احنا عايشنها في مجالات الاقتصاد والسياسه هتعرف قصدي ايه وبعدين احنا في الفتره الاخيره وقعنا اتفاقيات كتيره المفروض انها تعلي شائننا وسط العالم بس الكل عارف ان دم المصري في اي بلد واولهم بلده رخيص مالوش ثمن



اما بالنسبه للحكم فانه يقوم علي مصلحه الغرب لو تلاحظ هتلاقي ان اللي في مصلحتهم هو اللي بيحصل والامثله علي ذلك كتير منها اهانه المصريين في السودان اثناء مباراه الجزائر ومصر وموضوع حصه مصر من مياه نهر النيل مع انهم اصلا مش محتاجين بس السبب الاساسي والغامض انهم بيملكوك في الاقتصاد وفي السياسه يعني حريتهم وغذائك ودده مش مكفيهم عايزين يتحكموا فيك في المياه يعني اكل وشرب وحريه



ايه فاضل ايه يغتصبوا ارضك حتي دي كمان مغتصبنها من الباطل وكفايه انهم بيجوا ارضك سياد علينا زمااااااان كنا اما نحتاج اي نوع من المحاصيل لازم للشعب كنا بنروح نزرعه حتي لو في الصحراء ودلوقتي بنعمل ايه بنتعاقد مع مستثمر هو في اساسه له منصب في الدوله يستوردها بثمن ويبيعها للدوله بضعفها والدوله بتبعها للشعب باضعاف اضعافها والمظلوم اكيد انتم عارفينه؟؟؟؟؟؟؟؟؟؟؟؟؟؟؟

اﻷستاذ حسام أختلف معك ماهو مفهوم الحرية من وجهة نظرك
أنت لم تعش أيام غير هذه لتعرف الفرق

كل شيء بنفعله بحرية غير مجبرين في شيء

نحن لم نعش أيام عبد الناصر لنعرف الفرق ولكن نسمع وجهات نظر من آخرون

وبالنسبة للاتفاقيات أحنا نعرف أيه عن هذه الاتفاقيات وبنودها حتى نحكم عليها

وبعدين احنا ﻻ نحترم بعض وﻻ نحترم القوانين وعيشين في همجية

لو أتيحت الفرصة لأي فرد أن يعلو على حساب أخيه أو صاحبه أو جاره
لا يفكر مرة في أحد
والأمثلة كثيرة

اشكرك يا استاذ احمد علي ردك واهتمامك بالموضوع ولكني لم اشرح مفهوم الحريه ولكني كنت اقصد نبذه بسيطه توضح الاختلاف والمساؤي اللي وصلنا ليها وبالرغم من ذلك اشكرك لاني استفدت من كلامك

أخي العزيز حسام الحداد كل زمان فيه مساوئ و مزايا فالحكم يجب ان يكون موضوعي

مشكور استاذسراج علي مرورك وتفضل مني وافرالتقدير والاحترام